Тошкент, Ўзбекистон (UzDaily.uz) — Исроилдаги Ўзбекистон Республикаси элчихонаси хавфсизлик вазияти кескинлашгани муносабати билан мамлакат ҳудудини мустақил тарк этишни режалаштираётган фуқаролар учун батафсил тавсиялар эълон қилди.

Ўзбекистон фуқароларига қуйидаги куну-тун фаолият юритувчи назорат-ўтказиш пунктлари орқали чиқиш тавсия этилмоқда:

Менахем Бегин” / “Таба” — Исроил-Миср чегарасида жойлашган (Исроилнинг Эйлат ва Мисрнинг Таба шаҳарлари ўртасида);

 • “Шайх Хусайн” — Исроил-Иордания шимолий чегарасида жойлашган (Исроилнинг Байт-Шеан ва Иорданиянинг Ирбит шаҳарлари ўртасида);

 • “Ицхак Рабин” / “Вади Арава” — Исроил-Иордания жанубий чегарасида жойлашган (Исроилнинг Эйлат ва Иорданиянинг Акаба шаҳарлари ўртасида).

Барча кўрсатилган чегара пунктлари ҳозирда одатий тартибда (24 соат) фаолият кўрсатмоқда.

Миср орқали:

"Менахем Бегин"/“Таба” назорат-ўтказиш пункти (Эйлат ш.)

- Ўзбекистон фуқаролари ушбу пунктни кесиб ўтиб, Мисрга визасиз («Синай кириш муҳри» орқали) кира оладилар. «Синай кириш муҳри» - 14 кунгача фақат Синай ярим ороли ҳудудида бўлиш ҳуқуқини беради (Қоҳира ва бошқа шаҳарларга сафар қилиш мумкин эмас).

- 21 ёшга тўлмаган фуқароларга ота ёки оналаридан бири ҳамроҳлик қилиши шарт.

- "Таба"дан Шарм аш-Шайхгача (270 км) автобус ёки автомобилларда ҳаракатланиш имконияти мавжуд. 

 Авиақатновлар (Шарм аш-Шайх аэропортидан):

- «UzAirways»: Ҳафтасига 3 марта (сешанба, чоршанба, шанба, соат 12:35) Тошкентга.

- «Turkish Airlines»: Ҳар куни 1 ёки 2 марта Истанбулга (Истанбул халқаро аэропортига) (Тошкентга транзит).

- «Pegasus Airlines»: Ҳар куни 1 ёки 2 марта Истанбулга («Сабиха Гёкчен» аэропортига)  (Тошкентга транзит).

Иордания орқали:

 “Шайх Хусайн” (Байт-Шеан ш.) ёки "Ицхак Рабин"/“Вади Арава” (Эйлат ш.) назорат-ўтказиш пунктлари:

Ушбу пункт орқали Иордания пойтаҳтигача бориб, кейин қуйидаги авиайўналишлардан фойдаланиш мумкин:

• «Уммон – Истанбул – Тошкент»

• «Уммон – Дубай – Тошкент»

Эслатма: Иорданияга кириш учун мамлакат ИИВ сайти орқали виза олиш зарур: 

https://www.moi.gov.jo

https://moi.gov.jo/EN/Pages/Visa_E_Applications

https://www.eservices.moi.gov.jo.

Зарур ҳолларда Ўзбекистон Элчихоналарининг фавқулодда телефон рақамларига мурожаат қилишингиз мумкин:

- Мисрда (+202 333-617-23; +20 128 666-1441, uzembegypt@gmail.com);

- Саудия Арабистонида, ўриндошлик асосида Иорданияда (+966 11 263-5223, +966 56 721-7731, uzbembriyadh@gmail.com);

- Исроилда (+972 (3) 672-2466, 672-2371, 758-5075, 758-5076, (54) 485-1397, il.uzembassy@mfa.uz).

Якуний тавсия

Элчихона Исроил ҳудудини тарк этаётган барча фуқароларни шахсий хавфсизлик чораларига риоя этиш ва Исроилнинг Фронт орти буйруғи (Командование тыла) томонидан берилган кўрсатмаларга қатъий амал қилишга чақирди.