Ўзбекистонликларнинг Туркияга саёҳатлари қарийб 40% га ошди

Тошкент, Ўзбекистон (UzDaily.uz) — Миллий статистика қўмитаси маълумотларига кўра, 2025 йилнинг январь–май ойларида Туркияга 88,6 минг нафар Ўзбекистон фуқароси сафар қилган.

Бу кўрсаткич 2024 йилнинг шу даврига нисбатан 24,7 минг нафарга ёки 38,7% га кўпдир.

Саёҳатларнинг асосий мақсади туризм бўлган — 67 036 нафар фуқаро Туркияга сайёҳ сифатида ташриф буюрган. 18 793 киши қариндошларини зиёрат қилиш, 1 252 нафар киши даволаниш, 798 нафар талаба таълим олиш, 769 киши эса хизмат сафари мақсадида мамлакатга борган.