Ўзбекистонлик велосипедчилар Осиё чемпионати медалларини қўлга киритди

Тошкент, Ўзбекистон (UzDaily.uz) — Саудия Арабистонида ўтаётган велоспортнинг шоссе йўналиши бўйича Осиё чемпионатида Ўзбекистон терма жамоаси спортчи қизлари мамлакат медаллар жамғармасини янги совринлар билан тўлдирди.

Ёшлар ўртасидаги гуруҳ пойгасида Гулҳаё Сатторова учинчи бўлиб маррага етиб келиб, қитъа биринчилигининг бронза медалини қўлга киритди.

45 ёшдан ошган спортчи аёллар ўртасидаги мусобақаларда эса Ольга Забелинская юксак натижа қайд этиб, бир йўла икки йўналишда олтин медаллар соҳибасига айланди.

Ўзбек спортчи қизларининг муваффақиятли чиқиши миллий терма жамоанинг тайёргарлик даражаси юқорилигини тасдиқлаб, Ўзбекистоннинг Осиё спорт майдонидаги мавқеини янада мустаҳкамламоқда.