Ўзбекистонлик фарматсевтика мутахассислари Япония компаниялари билан ҳамкорликни муҳокама қилишди

Тошкент, Ўзбекистон (UzDaily.uz) — Фармацевтика тармоғини ривожлантириш агентлиги бошқарма бошлиғи Японияга амалий хизмат сафари доирасида қатор муҳим учрашувлар ўтказди.

Сафар доирасида JETRO президенти Сусуму Катаока, Нара префектураси Фармацевтика ассоциацияси раиси Сато ҳамда Yamato Godo Pharmaceutical Co., Ltd, Shinsei Pharmaceutical Industry Co., Ltd, Marudai Pharmaceutical Co., Ltd, Iskra Industry Co., Ltd компаниялари вакиллари билан музокаралар ўтказилди.

Ушбу учрашувда таълим, илмий-тадқиқот фаолияти, инвестиция соҳаларида икки томонлама ҳамкорликни ривожлантириш масалалари муҳокама қилинди. Шунингдек, тадбир доирасида ўзаро англашув меморандуми имзоланди.

Unical Co., Ltd ва E+craftman Co., Ltd компаниялари билан бўлиб ўтган учрашувда Агентлик фаолияти ҳамда “Tashkent Pharma Park” фармацевтика кластери лойиҳаси бўйича презентация тақдим этилди.

Учрашувда илмий тадқиқотлар бўйича ҳамкорлик, фармацевтика таълим йўналишларида қўшма ташаббуслар, БАД ва витаминлар, хусусан кальций миқдори ва ўзлашиши юқори бўлган маҳсулотлар ишлаб чиқариш борасидаги имкониятлар муҳокама этилди.