Ўзбекистонда тўққиз ой ичида 296 мингдан ортиқ автомобиль сотилди — UzAuto Motors улуши 80 фоиздан ошди

Тошкент, Ўзбекистон (UzDaily.uz) — 2025 йилнинг январь–сентябрь ойларида Ўзбекистонда жами 296 331 та автомобиль сотилди, деб хабар берди «Ўзавтосаноат» компанияси.

Бозордаги етакчиликни UzAuto Motors сақлаб қолмоқда — компания 141 304 та машина сотган бўлиб, бу умумий сотув ҳажмининг 47,7 фоизини ташкил этади. Унинг шўба корхонаси Khorezm Auto иккинчи ўринни эгаллаб, 103 837 та автомобиль сотган (35 фоиз). Шу тариқа, UzAuto Motors гуруҳининг ички бозордаги умумий улуши 82,7 фоизга етди.

Учинчи ўринни ADM Jizzakh эгаллаб, 32 987 та ёки умумий сотувларнинг 11,1 фоизига тенг миқдорда автомобиль сотган.

Бозорнинг қолган иштирокчилари орасида BYD Uzbekistan Factory ажралиб турAди — унинг сотув ҳажми 16 846 та автомобилни (5,7 фоиз) ташкил этган. Кейинги ўринларда Asaka Motors — 937 та (0,3 фоиз), SamAuto — 341 та (0,13 фоиз) ва Alyans Auto — 79 та (0,03 фоиз) автомобиль билан қайд этилган.

Брендлар кесимида энг катта улушга эга бўлгани Chevrolet бўлиб, у 245 141 та автомобиль сотган. Иккинчи ўринда — KIA (18 863 та), ундан кейин BYD (16 846 та), Chery (8 090 та), Haval (6 034 та), Hyundai (758 та), Isuzu D-Max (341 та) ва Wuling (105 та) жойлашган.

Моделлар орасида анъанавий равишда энг талабгорлари Chevrolet Cobalt (95 362), Chevrolet Damas (78 712) ва Chevrolet Tracker (27 921) бўлган.

Энг оммабоп ўнта модел қаторига шунингдек Chevrolet Labo (25 129), Chevrolet Onix (16 287), KIA Sonet (13 633), BYD Song Plus Champion DMI (4 933), BYD Yuan Up (4 271), BYD Chazor (3 520) ва Haval M6 (3 204) ҳам кирган.