Тошкент, Ўзбекистон (UzDaily.uz) — 2025 йилнинг январь–июн ойларида Ўзбекистонда 95 275 та никоҳ қайд этилди, дея хабар бермоқда Миллий статистика қўмитаси.

Уйланган эркаклар орасида асосий улуш (79,3%) 20 ёшдан 30 ёшгача бўлган ёшлар ҳиссасига тўғри келади.

20 ёшгача бўлган йигитлар фақат 1,4% ни ташкил этса, 31 ёшдан 40 ёшгача бўлганлар 13,2% ни ташкил қилади. 41 ёшдан катта бўлган эркаклар орасида уйланиш кўрсаткичи 6,1% ни ташкил этади.

Аёллар орасида эса учдан бир қисмидан кўпроғи (34%) 20 ёшга етмасдан турмушга чиқади, 54,2% эса 20 ёшдан 30 ёшгача бўлган ёшда никоҳдан ўтади. 31 ёшдан 40 ёшгача бўлган аёллар улуши 9,1% ни, 41 ёшдан катта бўлганларнинг улуши эса 2,7% ни ташкил этади.