Ўзбекистонда миллий почта оператори UzPost хусусийлаштирилгани ҳақида хабар берилди

Тошкент, Ўзбекистон (UzDaily.uz) — Ўзбекистонда миллий почта алоқаси операторы — UzPost (Oʻzbekiston pochtasi) хусусийлаштирилгани маълум қилинди, деб хабар берди иқтисодчи Отабек Бакиров турли мустақил манбаларга таяниб.

Унинг маълумотларига кўра, давлат улушини харид қилган томон «шимолий маркетплейслардан бири» бўлиши мумкин. Кузатувчиларнинг тахминича, гап Россиянинг онлайн-платформаларидан бири ҳақида кетмоқда.

Мақола чоп этилган вақтда Давлат активларини бошқариш агентлиги ҳамда UzPost эҳтимолий битим бўйича расмий изоҳ бермаган.

Бундан аввал, июнь ойида UzPost аффилирланган шахслар рўйхатига ўзгартиришлар киритган эди: ундан «Алоқабанк», Иқтисодиёт ва молия вазирлиги ҳамда унга боғлиқ бир қатор тузилмалар чиқариб ташланган. Янгиланган рўйхатга эса Давлат активларини бошқариш агентлиги, Ўзбекистон Миллий инвестиция жамғармаси (ЎзНИФ) ҳамда агентлик улуши 20 фоиздан ортиқ бўлган компаниялар киритилган.

Сентябрь ойида UzPost акцияларининг 25 фоизлик пакети, аввалроқ ЎзНИФга ўтказилиши режалаштирилган бўлса-да, амалда Давлат активларини бошқариш агентлиги балансига расмийлаштирилган.