Ўзбекистонда метан бензин станцияларига чеклов олиб ташланди

Тошкент, Ўзбекистон (UzDaily.uz) — Ўзбекистонда 17 мартдан автомобиль газ тўлдириш компрессор станциялари (АГTКС) фаолиятига қўйилган чекловлар аксарият ҳудудларда бекор қилинди. Бу ҳақда Энергетика вазирлиги хабар берди.

Вазирлик маълумотига кўра, станциялар соат 10:00 дан иш бошлайди, уларнинг аниқ ёпилиш вақти белгиланмаган, бу эса амалда эркинроқ ишлаш режимига ўтишни англатади.

Шу билан бирга, Фарғона водийси ҳудудларида АГTКС фаолиятидаги тартиб олдинги амалиёт билан сақланади: график маҳаллий ҳокимиятлар билан келишилган ҳолда ва тизимдаги жорий газ босимига қараб белгиланади.