Ўзбекистонда жисмоний шахсларга тегишли автотранспорт воситалари сони 4,7 миллиондан ошди

Тошкент, Ўзбекистон (UzDaily.uz) — Миллий статистика қўмитаси маълумотларига кўра, 2025 йил 1 октябр ҳолатига Ўзбекистонда жисмоний шахсларга тегишли 4 млн 725,9 минг автотранспорт воситалари рўйхатдан ўтган.

Автопаркнинг асосий қисмини енгил автомобиллар ташкил этади — 4 млн 392,4 мингта, бу умумий миқдорнинг 92,9 фоизини ташкил қилади. Бир йил давомида уларнинг сони 415,3 мингтага кўпайган. Транспорт воситалари турлари бўйича кўрсаткичлар қуйидагича тақсимланган: юк автомобильлари — 312,7 минг, микроавтобуслар — 7,5 минг, махсус транспорт воситалари — 7,3 минг, автобуслар — 6 минг.

Автомобиллар сонининг ўсиши аҳоли автопаркининг кенгайишини ва шахсий транспортдан фойдаланиш имконияти ортиб бораётганини кўрсатади.