Ўзбекистонда ҳаво ҳарорати пасайиши ва қор ёғиши кутилмоқда

Тошкент, Ўзбекистон (UzDaily.uz) — Иссиқ мавсумдан сўнг, совуқ ва нам ҳаво массалари яна Ўзбекистонга кириб келиши кутилмоқда.

Ўзгидромет маълумотларига кўра, 27–28 январь кунларидан бошлаб мамлакатга Россия ҳудудларидан совуқ ҳаво оқимлари кириб келади. Айрим ҳудудларда ёмғир кўринишидаги ёғингарчилик кузатилиб, кейинчалик у қорга айланиши прогноз қилинмоқда.

29–30 январь кунлари ҳаво массалари шарқий йўналишга силжийди. Республика марказий ва шарқий ҳудудларида айрим жойларда қор ёғиши кутилмоқда.

Ушбу даврда ҳаво ҳарорати босқичма-босқич пасайиб боради.

Тунги соатларда ҳарорат –2 дан –5 даражагача, кундузи эса +3 дан –2 даражагача бўлади.

Шимолий ҳудудларда тунда ҳаво ҳарорати –8…–13 даражагача пасайиши, кундузи эса –3 дан –8 даражагача бўлиши кутилмоқда. Тоғли ҳудудларда қор кўчкиси хавфи сақланиб қолади.