Тошкент, Ўзбекистон (UzDaily.uz) — Ўзбекистонда илк бор чегара-божхона постларига енгил автотранспорт воситаларини сканерловчи инспекцион кўрик мажмуалари ўрнатилмоқда.

Жумладан, шу кунларда “Навоий” чегара божхона постида АҚШлик мутахассислар иштирокида ушбу қурилмани ўрнатиш ишлари якунланмоқда.

Бу эса 2025 йил 1 сентябрдан бошлаб “Ғишткўприк”, “Зангиота” ва “Довут ота” чегара ўтказиш пунктларида автотранспорт воситалари учун хавфларни бошқариш тамойилларига асосланган “яшил” ва “қизил” - икки йўлакли тизим тўлақонли ишга тушишига хизмат қилади.

Бу каби қурилмалар нафақат Марказий Осиёда, балки МДҲ минтақасида илк бор Ўзбекистондаги чегара божхона постларига ўрнатилмоқда.

АҚШнинг нуфузли “Rapiscan” компанияси томонидан ишлаб чиқарилган мазкур мажмуа орқали соатига 220 тагача автотранспорт воситаларини сканерлаш мумкин.

Жорий йилнинг ўзида бу каби қурилмалар "Сирдарё" ва "Довут ота" чегара божхона постларига ҳам ўрнатилади.