Ўзбекистонда букмекерликни тарғиб қилган тахминан 70 та сайтлар блокланди

Тошкент, Ўзбекистон (UzDaily.uz) — Рақобат қўмитаси интернетда қимор ўйинлари ва букмекерлик хизматлари рекламаcини тарғатишнинг олдини олиш бўйича олиб борилган ишлар натижалари ҳақида маълумот берди.

Агентлик «қимор ўйинлари ва хавф-хатарга асосланган ўйинларни тарғиб қилувчи» сайтларни доимий мониторинг қилиб боради ҳамда тезкор чоралар кўриш учун масъул ташкилотлар билан ҳамкорлик қилади.

Жорий йил бошидан буён қўмита букмекерлик хизматларини тарғиб қилган 86 та веб-сайтни блоклаш бўйича Тегишли назорат органига маълумотлар киритиб, шундан 70 га яқин сайтлар белгиланган тартибда блокланган.

Қўмита «Реклама тўғрисида»ги қонуннинг 46-моддаси Ўзбекистон ҳудудида қимор ва таваккалчиликка асосланган ўйинлар рекламаcини жойлаштиришни тақиқлашини эслатиб ўтди.

Назорат органи бундай қоидабузарликларни бартараф этиш бўйича тизимли мониторинг ва ишларни давом эттириш ниятида эканини маълум қилди.