Тошкент, Ўзбекистон (UzDaily.uz) — 2024 йил давомида Ўзбекистонда маст ҳолда транспорт воситасини бошқарганлик ва тиббий кўрикдан ўтишдан бош тортганлик учун 33 минг киши маъмурий жавобгарликка тортилди.

Олий суд матбуот хизмати маълумотларига кўра, йил давомида мазкур тоифадаги ҳайдовчиларга нисбатан 32,7 минг маъмурий ҳуқуқбузарлик иши кўриб чиқилган.

31,3 минг фуқарога нисбатан жазо чоралари қўлланилган, жумладан, жарималар солинган, ҳайдовчилик ҳуқуқидан маҳрум қилинган ва маъмурий қамоқ жазоси тайинланган.