Ўзбекистонда 2025 йилнинг 8 ойида 261 мингдан ортиқ автомобил сотилди
Тошкент, Ўзбекистон (UzDaily.uz) — «Ўзавтосаноат» маълумотларига кўра, 2025 йил январь–август ойларида Ўзбекистонда жами 261 211 автомобиль сотилган.
Бозорда етакчиликни UzAuto Motors сақлаб қолди — компания 127 622 машина сотиб, умумий улушнинг 49 фоизини ташкил этди. Иккинчи ўринни UzAuto Motors таркибидаги Khorezm Auto эгаллади — 88 464 автомобиль (33,8%). Умумий ҳисобда UzAuto Motors улуши 82,8 фоизга етди. Учинчи ўринни ADM Jizzakh эгаллаб, 29 193 та ёки умумий улушнинг 11,2 фоизини ташкил қилди.
Бозордаги бошқа иштирокчилар орасида энг юқори кўрсаткични BYD Uzbekistan Factory қайд этди — 14 721 автомобиль (5,6%). Кейинги ўринларда Asaka Motors — 829 машина (0,3%), SamAuto — 309 автомобиль (0,1%) ва Jizzakh Auto — 73 та (0,03%) билан қайд этилди.
Брендлар кесимида Chevrolet етакчи бўлиб қолмоқда — 216 086 автомобиль сотилган. Иккинчи ўринда KIA — 16 838 та, ундан кейин BYD — 14 721, Chery — 7 067, Haval — 5 288, Hyundai — 650, Isuzu D-Max — 309 ва Wuling — 105 та сотилган автомобил билан қайд этилди.
Энг кўп талаб қилинган моделлар орасида Chevrolet Cobalt биринчи ўринда — 86 830 та сотилган. Ундан кейин Chevrolet Damas — 66 241 та, Chevrolet Tracker — 24 999 та. Шунингдек, энг кўп сотилган ўнликка Chevrolet Labo (22 223), Chevrolet Onix (14 283), KIA Sonet (11 959), BYD Song Plus Champion DMI (3 687), BYD Yuan Up (3 659), BYD Chazor (3 112) ва Haval M6 (2 901) кирди.