Ўзбекистон ва Туркия кончилик соҳасига инвестицияларни муҳокама қилишди

Тошкент, Ўзбекистон (UzDaily.uz) — Тоғ-кон саноати ва геология вазири Б. Исламов, вазирлик мутассаддилари билан биргаликда MTA Tashkent Mining компанияси директори Рамазан Сари билан учрашув ўтказди.

Учрашувда томонлар Туркия Минерал ресурсларни разведка қилиш ва қидириш бош бошқармаси (МТА) билан биргаликда амалга оширилаётган лойиҳаларни муҳокама қилдилар.

Шунингдек, соҳага инвестицияларни жалб қилиш, истиқболли майдонлар, ер участкаларининг онлайн аукцион орқали тадбиркорларга таклиф қилинаётгани, “Ер қаъри тўғрисидаги” янги таҳрирдаги қонунда инвесторлар учун берилган имтиёз ҳамда таклифлар ҳақида фикр алмашилди.