Валюта курслари 29/08/2025
$1 – 12482.38
UZS – 0.56%
€1 – 14540.72
UZS – 1.07%
₽1 – 155.23
UZS – 0.62%
Қидириш
Иқтисод 24/02/2025 Ўзбекистон ва Туркия ишбилармонлари ўртасида B2B музокаралари ўтказилди

Ўзбекистон ва Туркия ишбилармонлари ўртасида B2B музокаралари ўтказилди

Тошкент, Ўзбекистон (UzDaily.uz) — Жорий йилнинг 24 февраль куни Тошкент шаҳрида Ўзбекистон ва Туркия ишбилармонлари иштирокида B2B форматидаги икки томонлама музокаралар бўлиб ўтди.

Ўзбекистон ва Анталия Савдо-саноат палаталари ҳамда Туркия Савдо вазирлиги ҳамкорлигида ташкил этилган тадбирда икки мамлакат ишбилармон доираларининг 100 дан ортиқ вакиллари, хусусан, 24 та салоҳиятли турк компаниялари иштирок этди.

Тадбир доирасида муқобил энергетика, қурилиш материаллари саноати ва қурилиш соҳасида ҳамкорликни кенгайтиришга қаратилган музокаралар ўтказилди.

Учрашув давомида икки давлат тадбиркорлари ўз лойиҳаларини намойиш этиб, ўзаро ҳамкорликни йўлга қўйиш ва ривожлантириш юзасидан фикр алмашдилар. Иштирокчилар янги шериклар топиш, мавжуд бизнес алоқаларни мустаҳкамлаш ҳамда истиқболли ташаббусларни муҳокама қилиш имкониятига эга бўлдилар.

Энг сўнгги янгиликлардан хабардор бўлинг
Телеграм каналимизга обуна бўлинг