Тошкент, Ўзбекистон (UzDaily.uz) — Ўзбекистон элчиси Ойбек Шахавдинов (қароргоҳи Будапешт шаҳрида жойлашган) Словениянинг Брдо шаҳрида ушбу мамлакат раҳбарияти томонидан Янги йил байрами муносабати билан ташкил этилган қабул маросимида иштирок этди, деб хабар қилмоқда "Дунё" АА мухбири.

Ўзбекистон элчиси Ойбек Шахавдинов тадбир доирасида Словения Президенти Наташа Пирц Мусар, Бош вазир Роберт Голоб, Бош вазир ўринбосари, ташқи ишлар вазири Таня Файон билан самарали учрашувлар ўтказди.

Бўлиб ўтган мулоқотлар чоғида томонлар Ўзбекистон  ва Словения ўртасидаги ҳамкорликни барча йўналишларда янада ривожлантиришдан манфаатдор эканликларини билдирдилар. Шунингдек, савдо-иқтисодий ва маданий-гуманитар ҳамкорликни кенгайтириш масалаларига эътибор қаратилди.

Икки давлат ўртасидаги ўзаро англашувни чуқурлаштириш ва шерикликни кенгайтиришга хизмат қиладиган турли даражадаги ташрифларни ташкил этиш муҳимлиги қайд этилди.