Тошкент, Ўзбекистон (UzDaily.uz) — 8 апрель куни Инвестициялар, саноат ва савдо вазири ўринбосари Акрам Алиев "Minaret Renovables" компанияси кузатув кенгаши раиси Висенте Галдеано Фуэнтес билан учрашди.

Музокаралар чоғида Ўзбекистонда қайта тикланувчи энергия манбаларини ривожлантириш соҳасида компания билан ўзаро ҳамкорликнинг ҳозирги ҳолати ва уни ривожлантириш истиқболлари муҳокама қилинди.

Учрашувда компаниянинг Ўзбекистон бозорига узоқ муддатли режалари ва Ўзбекистонда барқарор энергия тизимини шакллантиришга қўшган ҳиссаси қайд этилди. Мамлакатимизда “яшил энергия” бўйича стратегик мақсадларга эришишда компаниянинг халқаро тажрибаси ва инновацион ёндашувлари катта аҳамиятга эга.