Ўзбекистон ва Жаҳон банки барқарор ривожланиш ва иқтисодий лойиҳаларни муҳокама қилишди

Тошкент, Ўзбекистон (UzDaily.uz) — 26 ноябрь Ўзбекистон ташқи ишлар вазири Бахтиёр Саидов Жаҳон банкининг Марказий Осиё бўйича минтақавий директори Нажи Бенхасин билан учрашув ўтказди.

Учрашув давомида барқарор ривожланиш, ижтимоий-иқтисодий тараққиёт ҳамда Ўзбекистон ва Жаҳон банки ўртасидаги ҳамкорликни янада чуқурлаштириш масалаларида самарали фикр алмашилди.

Шунингдек, белгиланган ривожланиш режалари ва ташаббусларни Ўзбекистоннинг барча ҳудудларига амалий фойда келтирадиган аниқ натижаларга айлантириш бўйича ҳамкорликни жадаллаштиришга келишилди.