Тошкент, Ўзбекистон (UzDaily.uz) — Ўзбекистон Республикаси ташқи ишлар вазири Бахтиёр Саидов Иордания Ҳошимийлар Подшоҳлиги Бош вазири ўринбосари, ташқи ишлар ва экспатриатлар вазири Айман Сафади билан учрашув ўтказди.

Суҳбат чоғида томонлар Ўзбекистон-Иордания муносабатларининг бугунги ҳолатини атрофлича муҳокама қилдилар ва ҳамкорликнинг истиқболли йўналишларини белгилаб олдилар.

Сиёсий мулоқотни кенгайтириш, иқтисодий ва гуманитар алоқаларни мустаҳкамлаш, халқаро ташкилотлар доирасидаги фаол ҳамкорликка алоҳида эътибор қаратилди.

– Биз халқаро майдонда ҳамкорликни мустаҳкамлаб, умумий минтақамизда тинчлик, барқарорлик ва изчил тараққиётни таъминлашга қаратилган қўшма ташаббусларни изчил қўллаб-қувватлаймиз, – деди Бахтиёр Саидов.

ТИВ раҳбари Ўзбекистон Иордания билан ўзаро ҳурмат ва ишончга асосланган муносабатларга катта эътибор қаратишини таъкидлаб, икки давлат ўртасидаги кўп қиррали шериклик муносабатлари янада чуқурлашишига ишонч билдирди.