Ўзбекистон ва Германия иқтисодий ҳамкорликни кенгайтириш масалаларини муҳокама қилишди

Тошкент, Ўзбекистон (UzDaily.uz) — Ўзбекистон ташқи ишлар вазири Бахтиёр Саидов Германия Федерал Ташқи ишлар вазирлигининг Европа ишлари бўйича давлат вазири Гюнтер Крихбаум билан учрашди.

Томонлар Ўзбекистон ва Германия ташқи ишлар вазирликлари ўртасидаги ҳамкорликнинг энг юқори даражада эришилган келишувларни ўз вақтида ва самарали амалга оширишга қаратилган долзарб йўналишларини муҳокама қилишди.

Учрашув давомида иштирокчилар яқинда бўлиб ўтган Марказий Осиё-Германия вазирлар учрашуви натижаларини юқори баҳоладилар ва савдо, инвестиция ва иқтисодий алоқаларни кенгайтиришга эътибор қаратдилар. Шунингдек, долзарб минтақавий ва халқаро масалалар бўйича фикр алмашдилар.

Вазир Саидов мамлакатлар ўртасидаги ҳамкорлик ўзаро ишонч, умумий манфаатлар ва амалий натижаларга эришишга содиқлик асосида изчил ривожланиб бораётганини таъкидлади.