Ўзбекистон ва Франция ҳамкорликни ривожлантириш ва халқаро масалаларни муҳокама қилишди

Тошкент, Ўзбекистон (UzDaily.uz) — 28 январь куни Ўзбекистон Республикаси ташқи ишлар вазирининг биринчи ўринбосари Бахромжон Аълоев Франция Республикасининг мамлакатимиздаги Фавқулодда ва Мухтор Элчиси Уалид Фук билан учрашув ўтказди.

Музокаралар давомида Ўзбекистон-Франция муносабатлари кун тартибидаги долзарб мавзулар, икки томонлама ҳамкорликни янада ривожлантириш истиқболлари ҳамда халқаро масалалар юзасидан фикр алмашилди.