Ўзбекистон ва Европа Иттифоқи хавфсизлик ва Афғонистондаги вазиятни муҳокама қилишди

Тошкент, Ўзбекистон (UzDaily.uz) — Ўзбекистон Республикаси Президентининг Афғонистон бўйича Махсус вакили Исматулла Иргашев Европа Иттифоқининг Афғонистон бўйича Махсус вакили Жил Бертран билан онлайн учрашув ўтказди.

Музокаралар чоғида минтақавий хавфсизликнинг долзарб масалалари, хусусан, Афғонистон-Покистон чегарасидаги вазият, шунингдек, Ўзбекистон ва Европа Иттифоқи ўртасидаги ҳамкорликни чуқурлаштириш истиқболлари муҳокама қилинди.

Томонлар минтақавий хавфсизлик ва ҳамкорлик масалалари бўйича тизимли ва конструктив мулоқотни давом эттиришдан ўзаро манфаатдор эканликларини тасдиқладилар ҳамда мунтазам маслаҳатлашувларни давом эттиришга келишиб олдилар.