Ўзбекистон ва Эрон тоғ-кон саноатига инвестицияларни муҳокама қилишди

Тошкент, Ўзбекистон (UzDaily.uz) — 23 декабрь куни Тоғ-кон саноати ва геология вазирининг биринчи ўринбосари Ф. Хамидова, вазир маслаҳатчиси Б. Норматов ҳамда бошқа мутасаддилар жорий йилнинг 21–25 декабрь кунлари мамлакатимизда бўлиб турган Эрон халқаро муҳандислик компанияси (ИРИТEС) делегацияси билан учрашди, тадбирда Эрон Ислом Республикаси Элчихонасининг савдо маслаҳатчиси ҳам иштирок этди.

Учрашувда ИРИТEС делегациясига мамлакатимизда тоғ-кон саноати ва геология соҳасида амалга оширилаётган ислоҳотлар ҳақида маълумот берилди.

Шунингдек, томонлар соҳага инвестицияларни жалб қилиш, ҳамкорликни ривожлантириш масалаларини муҳокама қилдилар.