Ўзбекистон U-17 терма жамоаси жаҳон чемпионати олдидан Шаржа шаҳрида ўқув-машғулот йиғинини ўтказади

Тошкент, Ўзбекистон (UzDaily.uz) — Ўзбекистоннинг U-17 ёшлар терма жамоаси 2025 йилги U-17 FIFA жаҳон чемпионатига тайёргарликни давом эттирмоқда.

Жамоа 18 октябрдан 31 октябргача Бирлашган Араб Амирликларининг Шаржа шаҳрида ўқув-машғулот йиғинида иштирок этади.

Исломбек Исмоилов бошчилигидаги ёшларимиз U-17 жаҳон чемпионати иштирокчилари — Венесуэла, Кот-д’Ивуар ва Буркина-Фасо терма жамоаларига қарши ўртоқлик учрашувларини ўтказадилар. Барча ўйинлар «Al-Hamriya» стадионида бўлиб ўтади.

20 октябрь
Ўзбекистон — Венесуэла

23 октябрь
Ўзбекистон — Кот-д’Ивуар

29 октябрь
Ўзбекистон — Буркина-Фасо