Тошкент, Ўзбекистон (UzDaily.uz) — 11 август куни Ўзбекистон Республикаси Ташқи ишлар вазири Бахтиёр Саидов Тожикистоннинг Ўзбекистондаги Фавқулодда ва Мухтор Элчиси Абдужаббор Раҳмонзода билан учрашув ўтказди.

Учрашувда икки давлат ўртасидаги дўстлик, яхши қўшничилик, иттифоқчилик ва стратегик шериклик муносабатларини мустаҳкамлаш масалалари муҳокама қилинди.

Савдо-иқтисодий ҳамкорликни кенгайтириш, мунтазам алмашинувни рағбатлантириш, шунингдек, минтақавий хавфсизлик ва барқарор тараққиёт соҳасидаги ўзаро ҳамкорликни чуқурлаштиришга алоҳида эътибор қаратилди.