Ўзбекистон ташқи ишлар вазири ИҲТ ва АДЛ кенгашининг тайёргарлик йиғилишида иштирок этди

Тошкент, Ўзбекистон (UzDaily.uz) — Ўзбекистон ташқи ишлар вазири Бахтиёр Саидов Ислом ҳамкорлик ташкилоти ва Араб давлатлари лигасининг қўшма навбатдан ташқари саммити арафасида бўлиб ўтган Ташқи ишлар раҳбарлари кенгашининг тайёргарлик йиғилишида иштирок этди.

Иштирокчилар долзарб минтақавий ва глобал муаммолар, халқаро хавфсизликка янги таҳдидларни муҳокама қилдилар, мулоқот ва музокара механизмларини кучайтириш зарурлигини таъкидладилар.

Бахтиёр Саидов Қатарнинг минтақада барқарор тинчлик ва барқарорликни мустаҳкамлашга қаратилган саъй-ҳаракатлари муҳимлигини таъкидлади.

"Биз Қатарнинг минтақада тинчлик ва фаровонликни дипломатия йўли билан мустаҳкамлаш борасидаги собитқадам ва фидокорона саъй-ҳаракатларини юксак қадрлаймиз. Ўзбекистон доимо барча низоларни фақат мулоқот орқали ҳал этиш тарафдори бўлиб келган ва бу тамойилга содиқ қолади", — деди вазир.