Тошкент, Ўзбекистон (UzDaily.uz) — “Қишлоқ хўжалиги ерларидан фойдаланишнинг қўшимча имкониятларини ишга солиш орқали маҳсулот етиштириш ҳажмини ошириш чора-тадбирлари тўғрисида”ги Президент (ПП-465, 2024 йил 30 декабрь) қарори қабул қилинди.

Энди маҳсулотлар қишлоқ хўжалиги майдонларининг четларида, ҳовли участкаларида, кўп қаватли уйлар атрофида ва маҳаллалар кўчаларида етиштирилади.

Карантин ва ўсимликлар ҳимояси агентлиги етиштиришни ташкил қилиш, уруғлар ва кўчатлар етказиб бериш, шунингдек, маҳсулотларни экспорт қилиш ишларини бажаради.

Майдон четларидан самарали фойдаланган ишлаб чиқарувчиларга бир йил муддатга бепул фитосанитария сертификати тақдим этилади. Шунингдек, in-vitro усулида етиштирилган мевали кўчатлар учун подвой харидига 50% миқдорида субсидия ажратилади (бир подвой учун энг кўпи 25 000 сўм).