Ўзбекистон паспорти Henley & Partners рейтингида ўз мавқеини мустаҳкамлади

Тошкент, Ўзбекистон (UzDaily.uz) — Ўзбекистон Henley & Partners компаниясининг жаҳон паспортлар рейтингида ўз ўрнини яхшилади. 2025 йил якунларига кўра, мамлакат 105 та давлат орасида 82-ўриндан 79-ўринга кўтарилди.

Ўзбекистон Республикаси фуқаролари эндиликда 62 та давлатга визасиз ёки келиш вақтида виза олиш орқали сафар қилиш имкониятига эга.

Рейтингда Ўзбекистон 79-ўринни Қирғизистон билан бўлишиб турибди.

Марказий Осиё мамлакатлари орасида етакчиликни Қозоғистон сақлаб қолмоқда (64-ўрин), ундан кейин Тожикистон (85-ўрин) ва Туркманистон (91-ўрин) жой олган.