Ўзбекистон ўз фуқароларига Эронда оммавий тадбирлардан узоқ туришни тавсия қилмоқда

Тошкент, Ўзбекистон (UzDaily.uz) — Ўзбекистон Республикаси Ташқи ишлар вазирлиги Эрондаги вазиятни диққат билан кузатиб бориши ҳақида хабар берди.

Теҳрондаги Ўзбекистон Республикаси элчихонаси маълумотларига кўра, ҳозирги пайтда Эронда фуқаролар орасида ўтказилаётган намойишлар давомида жабрланганлар қайд этилмаган.

Шу муносабат билан Ташқи ишлар вазирлиги Эрон ҳудудида бўлган Ўзбекистон фуқароларига митинг ва намойишларда иштирок этмаслик, одамлар оммавий тўпланган жойлардан узоқ туриш ва шахсий хавфсизлик чораларига қатъий риоя қилишни тавсия қилади.

Агар зарур бўлса, ёрдам ёки маслаҳат олиш учун фуқаролар Теҳрондаги Ўзбекистон Республикаси элчихонаси билан қуйидаги телефонлар орқали боғланишлари мумкин: +98 21 2229 9780 ва +98 21 2283 2025.