Ўзбекистон ўсмирлар терма жамоаси U-17 Осиё кубогидаги рақибларини билиб олди

Тошкент, Ўзбекистон (UzDaily.uz) — Куала-Лумпурда 17 ёшгача бўлган футболчилар ўртасида 2026 йилги Осиё кубогининг гуруҳ босқичига қуръа ташлаш маросими бўлиб ўтди, дея хабар берди Ўзбекистон футбол ассоциацияси матбуот хизмати.

Қуръа натижаларига кўра, Ўзбекистон терма жамоаси D гуруҳига тушди. Ушбу гуруҳда жамоамиз Австралия, Ҳиндистон ва Шимолий Корея терма жамоаларига қарши баҳс олиб боради.

U-17 Осиё кубоги турнири 2026 йил 7 майдан 24 майга қадар Саудия Арабистонида бўлиб ўтади. Мусобақанинг энг яхши саккизта терма жамоаси 17 ёшгача бўлган футболчилар ўртасидаги жаҳон чемпионати йўлланмасини қўлга киритади.