Тошкент, Ўзбекистон (UzDaily.uz) — Ўзбекистондан Мўғулистонга автомобил орқали биринчи пилот юк ташуви муваффақиятли амалга оширилди. Маршрут Ўзбекистон – Қирғизистон – Хитой – Мўғулистон йўналиши орқали ўтди. Бу ташаббус маҳаллий ишлаб чиқарувчиларнинг экспорт салоҳиятини кенгайтириш ва янги халқаро логистика йўлларини йўлга қўйишга қаратилган.

Лойиҳа Ўзбекистон Республикаси Транспорт вазирлиги ва Савдо-саноат палатаси ҳамкорлигида амалга оширилди. Унинг асосий мақсади — Ўзбекистон маҳсулотлари учун янги ташқи бозорларга чиқишни таъминлаш ва янги трансмиллий логистика маршрутларини синовдан ўтказишдан иборат.

Пилот ташувда миллий юк ташувчи ширкат иштирок этди. Автомобил қарийб 4500 километр масофани 8 кунда босиб ўтди. Йўналиш Алтай тоғлари орқали ўтган бўлиб, айрим қисмларда йўл денгиз сатҳидан 1500 метр баландликка чиқадиган қийин участкаларни ҳам ўз ичига олган.

Бу ташув — Марказий Осиёни Осиё-Шарқий минтақаси билан боғловчи янги экспорт йўлагини шакллантириш сари муҳим қадам бўлиб, келгусида Мўғулистон орқали Хитой ва Россиянинг шимолий бозорларига чиқиш имконини яратади.