Тошкент, Ўзбекистон (UzDaily.uz) — Ўзбекистон Республикаси Марказий банки 2024 йилнинг IV чорагида маҳаллий ишлаб чиқарувчилардан 29,9 трлн сўмлик олтин сотиб олди.

IV чоракда етакчи марказий банклар фоиз ставкаларини пасайтиришни давом эттирди. Бу эса геосиёсий кескинликлар фонида инвесторлар томонидан олтинга бўлган талабнинг ошишига олиб келди. Олтин нархи 2 610–2 700 АҚШ доллари атрофида ўзгариб турди.

Марказий банк маълумотларига кўра, маҳаллий ишлаб чиқарувчилардан сотиб олинган олтин ҳажми III чоракдаги 29,5 трлн сўмдан ошиб, 29,9 трлн сўмни ташкил қилди.

Шу билан бирга, ички валюта бозоридаги умумий интервенция ҳажми 24,5 трлн сўмни (1,9 млрд АҚШ доллари) ташкил қилди. Бу эса йил давомида «олтин-валюта захираларининг нейтраллиги» принципига мувофиқ келганини Марказий банк таъкидлади.

Интервенциялар ҳажмининг нисбатан паст бўлиши IV чоракда иқтисодиётга валюта оқими юқори бўлгани билан изоҳланди, бу эса ички валюта бозорида етарли таклифни таъминлади.

Олтин харидлари натижасида шаклланган қўшимча ликвидликнинг бир қисми Марказий банк облигациялари каби пул-кредит инструментлари орқали стерилизация қилинди.

«Шундай қилиб, IV чоракда валюта бозорида барқарор вазият сақланиб қолди, золотовалют захиралари юқори даражада бўлиб, ликвидлик етарли даражада таъминланди», — дея маълум қилди Марказий банк.