Ўзбекистон Маданий ривожланиш жамғармаси ЮНEСКОга қўшма лойиҳалар бўйича йўл харитасини тақдим этди

Тошкент, Ўзбекистон (UzDaily.uz) — Ўзбекистон Маданият ва санъатни ривожлантириш жамғармаси раиси Гаяне Умерованинг ЮНEСКО Бош директори Холид ал-Ананий билан учрашуви бўлиб ўтди.

Суҳбат чоғида Ўзбекистон ва ЮНEСКО ўртасидаги ҳамкорликни янада мустаҳкамлаш бўйича “Йўл харитаси” тақдим этилди, ўзаро ҳамкорликнинг устувор йўналишлари, шунингдек, Ўзбекистон Республикаси Президенти Sh.M. Мирзиёевнинг Самарқандда ЮНEСКО Бош конференцияси 43-сессиясининг очилиш маросимида билдирган ташаббусларини биргаликда амалга ошириш масалалари муҳокама қилинди.

Бухоронинг тарихий ёдгорликларини ЮНEСКО шафелигида реставрация қилиш, археология соҳасида ҳамкорлик қилиш ва маданий бойликларни репатриация қилиш масалаларига алоҳида эътибор қаратилди.

Бош директор ташкилот ушбу ташаббусларни амалга оширишда фаол иштирок этишга тайёрлигини тасдиқлади. Ўзбекистон ва ЮНEСКО ўртасида ҳамкорликни кенгайтириш тўғрисидаги Меморандумни тайёрлаш ва имзолаш бўйича келишувга эришилди.