Тошкент, Ўзбекистон (UzDaily.uz) — Ўзбекистон Жаҳон Савдо Ташкилотига (ЖСТ) аъзо бўлиш жараёнида Россия билан биринчи икки томонлама музокараларни ўтказди.

Ўзбекистон бош музокарачиси Азизбек Уронов таъкидлашича, 2024 йил 9 декабрь куни Москва шаҳрида Россия билан ЖСТга қўшилиш доирасида дастлабки музокаралар бўлиб ўтган.

Мазкур музокаралар 2024 йилнинг август ойида Россия томонидан бозорга кириш бўйича расмий талабидан сўнг ўтказилди.

Эслатиб ўтамиз, Ўзбекистон 2026 йилгача ЖСТга қўшилиш жараёнини якунлашни режалаштирмоқда.

Ҳозирги кунга қадар мамлакат АҚШ, Хитой ва қатор бошқа давлатлар билан музокараларни муваффақиятли якунлаган.