Ўзбекистон жамоаси U-17 жаҳон чемпионатида Ирландияга ютқазди

Тошкент, Ўзбекистон (UzDaily.uz) — Ўзбекистон U-17 миллий футбол терма жамоаси Қатарда бўлиб ўтаётган U-17 жаҳон чемпионатида J гуруҳининг иккинчи турида Ирландияга ютқазди.

Учрашув ирландияликлар фойдасига 1:2 ҳисобида якунланди.

20-дақиқада Абубакир Шукурлуллаев ҳисобни очди, аммо 13 дақиқадан сўнг Грейди Макдоннел ҳисобни тенглаштирди. 75-дақиқада Майкл Нунан ғалаба голини урди.

Икки турдан сўнг Ирландия 6 очко билан “J” гуруҳида пешқадамлик қилмоқда. Ўзбекистон ва Парагвай терма жамоалари 3 очкодан тўплаб иккинчи ва учинчи ўринларни бўлишмоқда, Панама эса ҳали ҳам очкосиз қолмоқда.