“Ўзбекистон ҳаво йўллари” МАК яна 3 та “Boeing-787 Dreamliner” авиалайнерларини сотиб олади

“Boeing” корпорацияси президенти жаноб Коннернинг Ўзбекистонга ташрифи чоғида яна 3 та “Boeing-787 Dreamliner” авиалайнерларини сотиб олиш тўғрисида келишиб олинган эди.

Дастлабки иккита “Dreamliner” авиалайнерлари “Boeing-787-8” русумида эди. Янги самолётлар эса “Boeing-787-9” русумида бўлиб, унинг узайиши ҳисобига ўриндиқлар ўрни ҳам кўпроқ бўлади.

Эслатиб ўтамиз, Ўзбекистон Мустақиллигининг 25 йиллиги арафасида миллий авиакомпания самолётлари сафига энг замонавий ва шинам “Boeing-787 Dreamliner” ҳаво кемаси қўшилди. Мазкур лайнер шу йилнинг 5-сентябридан Урганч, Бухоро ва Нукус шаҳарларига дастлабки парвозларни амалга оширган бўлса, 9-сентябрь куни Алмати (Қозоғистон) шаҳрига биринчи халқаро авиаташувни амалга оширди.