Ўзбекистон бешинчи олтин медални қўлга киритди: Темурбек Ғиёзов жаҳон чемпиони бўлди

Тошкент, Ўзбекистон (UzDaily.uz) — Ҳиндистоннинг Ню-Деҳли шаҳрида параатлетика бўйича жаҳон чемпионати ниҳоясига етмоқда.

Эркаклар ўртасида Т64 баландликка сакраш баҳслари якунига етди. Ўзбекистон терма жамоаси шарафини ҳимоя қилган Темурбек Ғиёзов 2,03 метр масофани босиб ўтди.

Шу тариқа, 29 ёшли спортчи нафақат шахсий рекордини янгилади, балки жаҳон чемпионатида олтин медални ҳам қўлга киритди.

Ўзбекистон терма жамоаси шу кунгача бешта олтин, тўртта кумуш ва иккита бронза медалини қўлга киритди.