Ўзбекистон 9 ойда 1,5 миллиард долларлик мевалар ва сабзавотлар экспорт қилди

Тошкент, Ўзбекистон (UzDaily.uz) — Миллий статистика қўмитаси маълумотларига кўра, 2025 йилнинг январь-сентябрь ойларида Ўзбекистондан хорижга қиймати қарийб 1,5 млрд АҚШ долларига тенг бўлган 1,6 млн тонна мева-сабзавотлар экспорт қилган.

Экспорт ҳажми ўтган йилнинг мос даврига нисбатан 111,5 минг тонна ёки 7,5 фоизга ошиб, жами экспортдаги улуши 5,5 % ни ташкил этди.

Экспорт таркибида етакчи ўринни мева ва резаворлар эгаллаган — 456,1 минг тонна. Сабзавотлар — 504,4 минг тонна, тарвуз ва қовунлар — 229,2 минг тонна, ерёнғоқ ва ёнғоқлар — 17,7 минг тонна, мош — 36,4 минг тонна, бошқа маҳсулотлар эса — 362,5 минг тоннадан иборат бўлди.