Ўзбекистон 32,2 минг тонна гилос экспорт қилди

Тошкент, Ўзбекистон (UzDaily.uz) — Ўзбекистон 2024 йил январь-ноябрь ойларида 32,2 минг тонна гилос экспорт қилди, деб хабар бермоқда Статистика агентлиги. Экспорт қиймати $70,3 млн.ни ташкил қилди.

Гилоснинг асосий харидори Россия бўлди — 25,42 минг тонна.

Қозоғистон 3,52 минг тонна билан иккинчи ўринни эгаллади, Қирғизистон эса 2,75 минг тонна гилос сотиб олди.

Бундан ташқари, Ўзбекистон Беларусьга — 193 тонна, БААга — 118 тонна, Хитойга — 91 тонна, Корея Республикасига — 28 тонна гилос экспорт қилди.

Қолган 25,1 тонна гилос бошқа давлатларга етказиб берилди.