Тошкент, Ўзбекистон (UzDaily.uz) — Статистика агентлиги маълумотларига кўра, 2024 йил январь-ноябрь ойларида Ўзбекистон хорижга 2,65 млрд АҚШ долларига тенг бўлган тўқимачилик маҳсулотларини экспорт қилган. Ушбу кўрсаткич умумий экспортнинг 10,9 % ини ташкил этган.

Агентликнинг хабарига кўра, экспортнинг асосий қисми ип-калавага тўғри келиб, унинг ҳажми 1,15 миллиард долларни ташкил этди. Тайёр тўқимачилик маҳсулотлари экспорти 1,04 миллиард долларга етган бўлса, трикотаж матолар экспорти 271,4 миллион долларни ташкил этди.

Бундан ташқари, матолар 134,9 миллион долларлик миқдорда экспорт қилинган бўлса, пайпоқлар экспорти 38,2 миллион долларга тенг бўлди.