Тошкент, Ўзбекистон (UzDaily.uz) — Ўзбекистон фуқаролари Грин-карта лотереяси натижаларига кўра яна етакчи ўринларни эгаллади, деб хабар қилинмоқда лотереянинг расмий веб-сайтида.

Эълон қилинган маълумотларга кўра, берилган 55 мингта Грин-картанинг 5 564 тасини Ўзбекистон фуқаролари қўлга киритган.

Иккинчи ўринда Жазоир фуқаролари (5 526 та), учинчи ўринда Россия (5 519 та), кейинги ўринларда Миср (5 515 та) ва Судан (5 505 та) фуқаролари жойлашди.

Green Card дастури хорижий фуқароларга АҚШда меҳнат фаолияти олиб бориш ҳуқуқини тасдиқловчи шахсни тасдиқловчи ҳужжат (ID)ни олиш имкониятини тақдим этади.