Тошкент, Ўзбекистон (UzDaily.uz) — «O‘zeltexsanoat» уюшмаси раиси Мирзиёд Юнусов бошчилигидаги делегация Хитой Халқ Республикасига хизмат сафарини амалга оширди. Сафар давомида электротехника саноати учун янги имкониятларни очиш, қўшма лойиҳаларни йўлга қўйиш ва инвестицион ҳамкорликни кенгайтириш масалалари муҳокама қилинди.

Делегация дастлаб «HKC» компанияси хорижий инвестициялар бўйича вице-президенти Хан Сзинсян билан учрашди ва компаниянинг Чанша шаҳридаги ишлаб чиқариш заводига ташриф буюрди. Музокаралар чоғида илғор технологияларни жалб қилиш ҳамда ишлаб чиқаришни кенгайтириш бўйича амалий таклифлар кўриб чиқилди.

Шунингдек, «СEС» корпорацияси, унинг таркибидаги “China Sendind” ва “Great Wall” компаниялари, шунингдек, «Gotion» компанияси билан учрашувлар ўтказилди.

Учрашувларда Ўзбекистон электротехника саноатини ривожлантиришга қаратилган қўшма инвестиция лойиҳалари ва замонавий ечимларни татбиқ этиш масалалари муҳокама қилинди.