Озарбайжонда бўлиб ўтган МДҲ ўйинларида Ўзбекистон терма жамоаси 20 медални қўлга киритди

Тошкент, Ўзбекистон (UzDaily.uz) — Озарбайжонда бўлиб ўтган МДҲ ўйинларида Ўзбекистон терма жамоаси ажойиб натижа қайд этиб, 20 та медални қўлга киритди: учта олтин, учта кумуш ва ўн тўртта бронза.

Олтин медаллар стенддан отиш бўйича Азамат Қаюмов, самбо бўйича Муҳаммадюсуф Юсуфжонов (71 кг), Билолбек Абдугаппаров (79 кг)га насиб этди.

Кумуш медаллар стол тенниси бўйича яккалик баҳсларида Аделина Хасанова, таэквондо WT бўйича Валерия Хегай (46 кг), самбо бўйича Гамзат Максетбоев (53 кг)га насиб этди.

Бронза медалларини турли йўналишларда спортчилар қўлга киритди: стол тенниси турнирларининг жамоавий ва жуфтлик ўйинлари, стол тенниси яккалик баҳсларида (Рахматилло Абдурашидов, Мафтуна Гулимова), сузиш (Жавлон Ғаниев – 200 м баттерфляй, Муҳаммадисмоил Раҳмонов – 50 м баттерфляй), таэквондо WT (Шоҳжаҳон Аҳмедов - 63 кг, Мубина Бобосаидова - 62 кг) ва самбо (Аваз Эргашев - 58 кг, Давлатжон Каозимов - 64 кг, Шоҳжахон Ғолибов - 88 кг, Саидаҳмад Равшанов - 98 кг).