Тошкент, Ўзбекистон (UzDaily.uz) — Озарбайжон фирибгарликда айбланиб қидирувда бўлган Ўзбекистон фуқаросини топширди. Бу ҳақда Озарбайжон Бош прокуратураси матбуот хизмати хабар берди.

Маълумотларга кўра, ушланган шахс — 1987 йилда туғилган Гулноза Рахматуллаевна Бурхонова бўлиб, у фирибгарлик ва расмий ҳужжатларни қалбакилашда айбланиб, халқаро қидирувда бўлган. Озарбайжонда ўтказилган тергов жараёнида унга нисбатан қамоққа олиш тарзида эҳтиёт чораси қўлланилган.

Ўзбекистон Бош прокуратураси Бурхоновaни жиноий жавобгарликка тортиш учун экстрадиция қилиш ҳақида сўров йўллаган. Озарбайжон томони мазкур сўровни қондирди ва шундан сўнг унинг экстрадицияси амалга оширилди.