Отабек Шукуров БААнинг «Бани Яс» клуби билан шартнома имзолади

Тошкент, Ўзбекистон (UzDaily.uz) — Ўзбекистон миллий терма жамоаси ярим ҳимоячиси Отабек Шукуров расман Бирлашган Араб Амирликларининг «Бани Яс» клуби футболчисига айланди, дея хабар берди жамоа матбуот хизмати.

Аввалроқ Шукуров БААнинг бир нечта клублари билан музокара олиб борган, аммо якуний қарор сифатида «Бани Яс»ни танлади. Жамоа сафида шунингдек бошқа ўзбек футболчиси — Акмал Мозговой ҳам тўп сурмоқда.

Жорий чемпионатнинг беш туридан сўнг «Бани Яс» турнир жадвалида сўнгги ўринни эгаллаб турибди, чунки стартдаги барча учрашувларда мағлубиятга учраган. Ўзбек футболчиларининг қўшилиши жамоа таркибини кучайтириши ва қолган ўйинларда натижаларни яхшилаши кутилмоқда.