Тошкент, Ўзбекистон (UzDaily.uz) — Open Budget порталида биринчи босқичда ғолибликка эришган лойиҳалар рўйхати эълон қилинди. Бу ҳақда Иқтисодиёт ва молия вазирлиги хабар берди.

Овоз бериш жараёнида 10,45 миллион киши қатнашди. Натижада 2 369 та ғолиб лойиҳа танлаб олинди ва уларни амалга ошириш учун 3,2 трлн сўм маблағ ажратилиши белгиланди.

Фарғона вилоятининг Қува туманида мажбурий овоз бериш ҳолатлари аниқланган.

Ҳозирда текширув ишлари олиб борилмоқда. Текширув якунига кўра, ушбу туман бўйича янгиланган ғолиблар рўйхати эълон қилинади.