Тошкент, Ўзбекистон (UzDaily.uz) — 2025 йилнинг биринчи чорагида Олмалиқ кон-металлургия комбинати ( ОКМК) 101,7 миллион долларлик маҳсулот экспорт қилди. Бу ҳақда ОКМК хабар берди.

Маҳсулотлар кесимида оладиган бўлсак хорижий истеъмолчиларга мис катоди, мис катанкаси, рух, рух купороси, мис купороси, кадмий, техник теллур каби маҳсулотлар юборилган.

Йилдан йилга ОКМК экспорт географияси кенгайиб бормоқда. Ҳозирда комбинат маҳсулотлари 19 та давлатга экспорт қилинмоқда. 2024 йилда бир қатор янги бозорлар ўзлаштирилди. Жумладан, Гвинея, Сенегал, Сербия, Жанубий Африка Республикаси, Португалия каби давлатларга мис катанкаси ва мис купороси экспорти амалга оширилди.