Тошкент, Ўзбекистон (UzDaily.uz) — 2025 йил 25 февраль куни Жиззах вилоятида «Ёшлик-И» конини ўзлаштириш инвестициявий лойиҳаси доирасида Янги оҳак заводини қурилишига старт берилди.

Тадбирда ОКМК раҳбарияти, Жиззах вилояти ҳокимлиги масъуллари, пудрат ташкилоти расмий вакиллари, меҳнат фахрийлари иштирок этишди.

Ушбу Оҳак заводи 1-, 2-, 3- ва 4-мис бойитиш фабрикалари, мис эритиш заводлари, рух заводи, Ангрен, Чодак ҳамда Хондиза кон бошқармаларини технологик жараёнлари учун зарур бўлган реагент - оҳак билан таъминлайди.

Завод суткасига 2200 тонна, йилига 737 минг тонна маҳсулот ишлаб чиқариш қувватига эга бўлади, корхона ишга тушиши натижасида 323 та янги иш ўринлари яратилади.