ОАВ: Эроннинг собиқ президенти Аҳмадинежод АҚШ ва Исроилнинг Теҳронга берган зарбаси оқибатида ҳалок бўлди

Тошкент, Ўзбекистон (UzDaily.uz) — Эроннинг собиқ президенти Маҳмуд Аҳмадинежод Теҳронда АҚШ ва Исроил кучларининг мувофиқлаштирилган ҳужуми натижасида ҳалок бўлган. Бу ҳақда Эроннинг ILNA ахборот агентлиги хабар бермоқда.

Агентлик маълумотларига кўра, Ислом Республикасининг тўққизинчи ва ўнинчи ҳукуматлари раҳбари пойтахтнинг Нармак туманига берилган зарба қурбони бўлган.

ILNA хабарида таъкидланишича, сиёсатчининг ҳалок бўлиши «сионистик режим» ва Қўшма Штатлар томонидан амалга оширилган ҳужум давомида содир бўлган. Эрон сиёсий тизимида президент бир вақтнинг ўзида Вазирлар Маҳкамаси раҳбари ҳисоблангани сабабли, ушбу ҳодиса собиқ ҳукумат раҳбарини йўқ қилиш сифатида таснифланмоқда.

Айни пайтда Эроннинг расмий ҳокимият органлари ва собиқ лидер идораси вакиллари унинг ўлими ҳақидаги маълумотни тасдиқлагани йўқ.

Маҳмуд Аҳмадинежод 2005–2013 йиллар давомида икки муддат Эрон президенти лавозимида фаолият юритган ва мамлакат сиёсий ҳаётидаги энг кўзга кўринган ҳамда баҳсли шахслардан бири бўлиб қолган.